Guðmundur Jónasson ehf. var stofnað af Guðmundi Jónassyni

Upphafsmaður og stofnandi fyrirtækisins, Guðmundur Jónasson, var goðsögn þegar í lifandi lífi vegna frumkvöðlastarfs í óbyggðaferðum og ferðaþjónustu. Guðmundur vann mikið brautryðjendastarf á sviði ferðaþjónustu fyrir erlenda ferðamenn með hálendisferðum sínum í árdaga ferðamennsku á Íslandi. Ófáar sögur eru til af Guðmundi, hvernig hann brást við hinu óvænta sem nánast var í hvert sinn í hálendsferðum þess tíma. Slóðar á hálendinu voru verri í þá daga og fóru illa með farartæki. Þurfti þá oft verulega útsjónarsemi til að ljúka ferðum og hana hafði Guðmundur í ríkum mæli.

Fjölskyldufyrirtækið hefur vaxið og dafnað síðan og tekur árlega við miklum fjölda erlendra ferðamanna. Bílar fyrirtækisins eru nálægt þremur tugum, vel búnir, nýir eða nýlegir og fara vel með farþega og starfsmenn. Ferðaskrifstofan rekur jafnframt gistiheimili við Borgartún og þar er boðið upp á látlausa en þægilega gistingu í herbergjum sem öll eru búin baðaðstöðu.

Ferðaskrifstofan býður einnig upp á fjölþættar ferðir fyrir íslendinga erlendis. Auk þeirra ferða sem finna má á heimasíðu fyrirtækisins þá hefur ferðaskrifstofan getið sér gott orð fyrir skipulagningu ferða fyrir hina ýmsu sérhópa s.s. starfsmannafélög, húsmæðraorlof, kvenfélög, námsferðir og útskriftarhópa.

Að sjálfsögðu býður Guðmundur Jónasson svo hópbíla til lengri og skemmri ferða utan bæjar sem innan. Bílarnir eru frá 10 til 60 manna og eru allir undir stjórn reyndra bílstjóra.







 

Ferðaskrifstofa Guðmundar Jónassonar | Utanlandsdeild | Borgartún 34, 105-Reykjavík | S: 511 1515 | Fax: 511 1511 | outgoing@gjtravel.is | Kt.: 410166-0389